Guyonan Boso Malang (Noyug Jès…. ) Kadit Idrek, Gak Pathèk’en

Kadit Idrek, Gak Pathèk’en

Sudrun atiné seneng pol, dino iku waktuné utem tekok bui. Sudrun tergolong genaro sing nurut karo telatèn mèlok kursus ketrampilan nang penjara. Pas helum nang hamur, Sudrun yo ngètokno sregepé: kursus boso Inggris karo komputer.  Pakdé né yo seneng nemen nang Sudrun, sampèk pingin narik Sudrun – idrek nang kantoré Pak Dé. Sudrun langsung didadèkno manajer Administrasi nang kantoré Pak Dé. Wong liyo biasané kudu nglèwati dadi tenaga honorèr dhisik, idrek dadi staf paling isor, supervisor (lèk wis 5 tahun), terus asistèn manajer – baru lèk lancar osi dadi manajer. Lha Sudrun, langsung dadi manajer.

Sik rong dino idrek, Sudrun langsung njaluk utem. Pakdé kagèt sampèk katé nggeblak, krungu Sudrun njaluk mundur.

Pak Dé: Opo’o Drun, mosok kurang ènak langsung dadi manajer:

olèh kendaraan, kantor déwé, komputer… njaluk opo

manèh sih??

  

Sudrun: Pak Dé, ayas kadit idrek – gak pathèk’en.Ayas seneng

aé idrek nang opo aé. Tapi, lèk ndhik kantor di mata-

matai, wani nang hamur aé ayas…

Pak Dé: Lho, omongo lèk ngono – apais sing monitor énté terus?

engkuk tak tegure, lèk perlu tak pecat wongé!!

Sudrun: Sampèan lak wis ngertia? wong wis tahunan nang kené..

Pak Dé: Oyi Drun..omongo terus terang ae sing mata-matai iku,  

lèk awakmu ngenem aé, yo kadit eruh ayas…

Sudrun: Rong dino iki ayas kadit rudit, soalé pas katé ngetik, nang

            komputer onok tulisané INTEL INSIDE, dikiro kadit itreng

boso Inggris a ?! Lha aku iku paling gak seneng onok intel.

Pak Dé: ?????????????? @##@ ??????????????????

            (langsung ngguyu terus gak iso mandhek – sampèk digowo

nang Rumah Sakit Nukus, soalé kadit iso mingkem)